كره قدم ايام الجاهليه ... دعوه للضحك

أهلا بكم سيداتي آنساتي سادتي بالقمر الصناعي من استاد يثرب الوطني..ـ
...
<< أحييكم لنقل المباراة الهامة والمرتقبة بين يهود بني خيبر ويهود بني النضير..ـ
...
<< زي ما احنا شايفين يهود بني خيبر نازلين الملعب من ساعة شروق الشمس وشغالين
إحماء وتمارين ..ـ
...

<< بينما يهود بني النضير لسه بيعملوا شوبنج في خزاعة مول وجايين كمان شوية ..ـ
...


<< مراسلنا في الملعب ؛ الأخطل بن أبي شفلحة لسه مخبرني حالا
إن يهود بني خيبر قاموا بزيارة للأصنام امبارح وخلصوا كل حاجة
وجايين جاهزين النهاردة ونفسياتهم المعدنية معدية في الحديد
بعد أن أكلوا الثريد باللحم عند حاتي تبوك..ـ
...


<< وزي ما احنا عارفين إن فريق يهود بني خيبر جاي النهاردة بقيادة مدربهم الجديد .. شقيع بن ماخنفين .. ـ
وطبعا انتو متابعين آخر أخبار الهجرة الكروية
وعارفين إن المدرب ده كان في نادي نجران
ورفض كل العروض المقدمة ليه من نادي حطين
ونادي بدر وقبل العرض المغري بتاع بني خيبر ..ـ
تصوروا مرتبه في الشهر بقى ألف دينار وكمان أعطوله
ألف ناقة حمرا وخيمة مكيفة وجمل فور باي فور مركب فيه سبويلر بارتفاع 2 متر وحصان هيراري 6 رفاسات ونظام حقن عربجوني .. يلا حر و نار في جتته بس المهم نرجع للمطش ..ـ

...
<< والحمد لله يهود بني النضير وصلوا بالسلامة و داخلين الملعب وكأن على رؤوسهم الطين .. آديني سامع مدربهم المحنك ذي السبعين خريفا ؛ كهلون بن البراطع عمال يخطب في اللعيبة ويحمسهم ويقول :ـ
" ياااا قوم .. يا معشر بني النضير .. لقد تفلجت فينا الهزائم واشمئزت منا الكلابو .. فإما نخوض إلى المعالي وإلا لتفت علينا البغالو .. فلتسحقوا كل العلوج فلا يظل سوى الميلانو " .. فيك العافية أخ كهلون .. هدي نفسك لتروح في شربة عصير تمر ..ـ
...ـ
و شايف كل فريق اصطف في جروب وآدي يهود بني خيبر عم بيأدوا النشيد الوطني : " نحن عباد عك عك .. نحن عباد صهاااينه .. عندنا كل جبااانيه .. مثل كلاب دااانية .. نحن عباد عك عك " ماعلينا .. وآدي يهود بني النضير جاء دورهم وعم بيقولوا : " يا أهل النضارة يا تراب الأمم .. يا********ل اليمامة يا نعال الجزم .. " ما علينا يا جماعة خليهم يعتزوا بتاريخهم شوية..ـ

وآدي الحكم القروي أبا الحكم القرشي بيعمل القرعة رغم إني شايف كهلون بيحطله بريزة في جيبه في الخباثة عشان..... ما علينا يا جماعة مش هنحكي دي حاجات معروفة في السياسة الجاهلية ...
...
لو انتا قاعد في مدرجات الدرجة الأولى هتلاقي بني النضير على يمينك وبني خيبر على شمالك .. أما لو انت مش في الاستاد فما تحلمش كتير وتقولي هاشترك في ال إيه آر تي عشان ما كانش فيه لسه اتفاقية البث الفضائي مع العرب والحل إنك تعرف أخبار المباراة بالليل في مجالس اللهو وأشهرها خمارة الست كايداهم أم لولي ..ـ
...
<< وتبدأ المباراة وزي ما انتو شايفين المباراة حامية جدا والهجمات مش عارفين نلاحقها..ـ
...
<< إيه ده أبو الحكم موقف المباراة .. يا ترى في إيه ؟؟ لا عنده حق ابن اللئيمة.. أصله شاف إن شورتات بنو خيبر غير شرعية وإنها نزلت عن الحد المسموح بيه ومفيهاش أساتك لا وكمان مش لابسين تحتها بو********رات .. اللعيبة بتحب تجدد بس يظهر أبو الحكم دقة قديمة وبيفضل الشورتات الاسترتش .. المهم اللعيبة غصبن عنهم غيروا وتستكمل المباراة بإسقاط الكرة وطبعا خدوها بنو النضير بوضع اليد ..ـ
...
ورجعنا تاني وآدي هجمة خطر لبني خيبر.. وأنا شايف اللعيب الخيبري ؛ شمقمق واقف بالكورة مش عارف ليه .. آه لمح شمقمق إن لعيبة بني النضير عاملين له كمين وحافرين خندق قدام التمانتاشر وما رضيش يجازف و يجرب التسديد بالمنجنيق .. بس حظه حلو أبو الحكم طلع شهم وحسب ضربة جزاء ونفض للبريزة بتاعة كهلون ..ـ
...
وأنا شايف شقيع وجهازه الفني نزلوا الملعب بالسيوف وبيجروا ع الحكم .. لكن طبعا احنا شايفين الأمن المركزي بقيادة اللواء / أبو لهب مجانص عامل شغل جامد ومدي صورة مشرفة تساعدنا على تنظيم كأس الأمم الجاهلية ٣ هجري ..ـ
...
والحمد لله الوضع استقر وآدي حناشر زعزع بالفانلة رقم ٧ داخل يسدد ضربة الجزاء .. بس إيه ده ؟!! الحكم صفر فجأة ووقف اللعب من تاني .. يا تري في إيه تاني في اليوم المطين بطينة اليهود ده ؟!!ـ
...
أنا شايف حارس مرمي بنو النضير اللي من أصل ألماني ؛ شوماخر كفو بيشاور طالب التغيير و بيجري ناحية الجماهير وبيصرخ ويقول : " آخخخخ شلت يديييييييي "..ـ
...
وعشان ما فيش حارس احتياطي فالحكم اضطر يلغي المباراة وينهيها بفوز بني خيبر .. راحت عليك البريزة هدر يا كهلون ..ـ
...
ألف ألف مبروك لبني خيبر .. ولاد الهرمة عملوها وخدوا الكاس .. وهيلعبوا إن شالله في شهر صفر بالقسطنطينية في كاس القارات ..ـ
...
وأنا شايف الجماهير النضيرية ورا الجون بتضرب الحارس شوماخر كفو بالكرابيج والمر********ات .. واللي سمعته إن الحكم بعد ما ألغى المباراة ضحك وقال :ـ
" إنها سليمة ههههه إنها سليمة " ..ـ
...

كان معكم من استاد يثرب معلقكم الرياضي بحلس

ومن غرفة الهندسة الصوتية من مصر مخرجكم منقاورع عظيم المنكبين